சமீப காலங்களில் வலைப்பூக்களில் வலம் வந்த போதே இப்படி ஒரு விஷயம் இருப்பதை தெரிந்து கொண்டேன்.
அது "உலக கடல்கொள்ளையர்கள் போன்று பேசும் தினம்". உலக தினங்களில் வித்தியாசமான ஒன்று. இது வருடாந்தம் செப்டம்பர் 19 ஆம் திகதிகளில் கொண்டாடப்படுகிறது. இந்நாளில் கடல்கொள்ளையர்கள் எவ்வாறு பேசுவார்களோ அவ்வாறே நாம் பேச வேண்டும், இந்நாளை கொண்டாடும் பட்சத்தில். இதில் என்ன பிரச்சனை என்றால் நமக்கு ஆங்கில கடல்கொள்ளையர்கள் பேசும் முறையே தெரிந்திருக்கிறது. தமிழ் கடல்கொள்ளையர்கள் இருந்தார்களா என்பது பற்றி தெரியவில்லை. ஒரு வேளை நாம் சற்று நல்லவர்களாக இருந்திருக்கக்கூடும். தமிழ் அன்பர்கள் இதில் ஒரு ஆய்வு செய்ய வேண்டுகின்றேன்.
சரி இனி ஆங்கில கடல்கொள்ளையர்கள் பகுதிக்கு வருவோம். விஷயம் என்னவென்றால் இத்தினத்தை சிறப்பிக்கும் முகமாக கூகிள் மற்றும் பேஸ்புக் ஒரு புதிய மொழி நடையை அறிமுகப்படுத்தி உள்ளன. இது கடல்கொள்ளையர்களின் ஆங்கிலம் என அழைக்கப்படுகிறது. வித்தியாசமான பாணியில் இருந்தாலும் மிகவும் ரசிக்க வைக்கும் இம் மொழியை ஒரு முறை பயன்படுத்தித்தான் பாருங்களேன்.
கூகிள் பைரேட்
பேஸ்புக் இல் இம்மொழியை செயல்படுத்த செட்டிங்க்ஸ் டேப் இலுள்ள மொழிகள் பக்கத்துக்கு சென்று "ஆங்கிலம் பைரேட்" என்பதை தெரிவு செய்யலாம்.
எவ்வாறு இம்மொழி நடையை பேசுவது என்று அறிய இங்கே க்ளிக்குங்கள்.
இம்மொழி நடை தோன்றியதற்கு காரணமாக அளவுக்கு மீறிய மது பாவனை மற்றும் உப்புக் காற்று போன்றன சொல்லப்படுகிறது
