ரொம்ப நாளைக்கு அப்புறம் ஒரு குறிப்பு... இதை பற்றி எழுத ஆர்வமூட்டிய நண்பன் நிப்ராஸ் இற்கு முதலாவதாய் என் நன்றிகள்...
சமீப காலமாக என் மொபைல் பில் ஆயிரங்களில் எகிறுகிறது...
இதனாலேயே இந்த ஐடியா...
*மிஸ்ட் கால் - உலகத்திலேயே ரொம்ப சிக்கனமான தொலைத்தொடர்பு வசதி. யாரு கண்டுபிடிச்சான்னே தெரியல்ல. அனா இப்டி ஒரு பிரயோஜனம் இதுல இருக்கும்னு நெனச்சிருப்பரோ என்னவோ. உயிரே போற அவசரம்னாலும் மிஸ்ட் கால் பண்றவங்க ரொம்ப பேறு இருக்காங்க. நீங்களும் பயன்படுத்திக்கலாம்.
*கால் மீ எஸ்.எம்.எஸ். அலர்ட் - டயலொக்கே பிழைச்சி போங்கடான்னு போட்ட பிச்சை... தந்தாண்டா சாமின்னு இருக்கற வரைக்கும் பயன்படுத்திக்கறது நம்ம புத்திசாலித்தனம். கிழமைக்கு இத்தனைனு ஒரு வரையறை இருக்கறதால கொஞ்ச கவனம் தேவை.
*நட்பு வலயம் - இது நம்ம ஏரியா... என் சுபாவத்துக்கு கொஞ்சமும் பொருந்தாது என்றாலும் வேற வழி??? ஆண்கள் ஆண்களையும் பெண்கள் பெண்களையும் நண்பர்களா ஏத்துக்கிட்டா கால் பண்ண வேண்டிய அவசியமே இல்ல :) அல்லது ப்ளாஸ்டர் பகேஜ் வச்சிருப்பவங்களா பார்த்து நட்பு வச்சிக்கலாம். ப்ரீபெய்ட் காரர்கள் கையாளும் யுக்தி இது...
*பொய் - லைன் டிஸ்கனெக்ட் ஆயிடிச்சு மச்சான்னு வாய் கூசாம எடுத்து விட வேண்டியதுதான்... இப்பிடி பேசி பேசி இன்கமிங் மட்டும் வாற மாதிரி ஒரு ஏற்பாடு பண்ணிக்கலாம்.
*உண்டியல் - தினமும் செலவழிக்கிற காசுல ஒரு 15 ரூபாயை எடுத்து ஒரு உண்டியல்ல போட்டு வரலாம். மாச கடைசில தேவையான காசு வந்துடும்.
*நம்மட ப்ளாஸ்டர் பேகேஜ் இல் உள்ள இலவச ஆயிரம் நிமிடங்கள் முடிஞ்சிடிச்சுன்னு வச்சுக்குவோம், அப்போ நம்ம குடும்பத்திலோ நண்பர்களிலோ பிளாஸ்டர்னு ஒரு சேவையை டயலொக் எதுக்கு அறிமுகப்படுத்திச்சுன்னு வெளங்கவே வெளங்காத சில அப்பாவிப் பய புள்ளைங்க இருப்பாங்க. உதாரணத்திற்கு நம்ம அப்பா, அம்மா :) இவங்ககிட்ட இருந்து மொபைலை நைசா லவட்டிடலாம். மாசாமாசம் என் அம்மாக்கு 450 நிமிஷங்கள் மீதமாவே இருக்கின்றன :)
மேலதிகமான உத்திகளை நீங்களும் எடுத்து விடுங்களேன் :)
இதில் சில உத்திகளை தந்த நண்பி டயானாக்கும் எனது நன்றிகள்...
